Ambasadorja gjermane: Vendimi për ushtrinë i takon vetëm autoriteteve të Kosovës

Gjermania e zhgënjyer me Thaçin

Nisma e presidentit Hashim Thaçi për transformimin e Forcës së Sigurisë së Kosovës nuk është duke u pëlqyer nga faktorët ndërkombëtarë duke filluar nga SHBA-të dhe NATO. Në vazhdën e këtyre shqetësimeve për këtë iniciativë është deklaruar edhe shteti i Gjermanisë, duke theksuar zhgënjimin në kryetarin Thaçi, kjo është bërë të ditura nga ambasadorja gjermane në Prishtinë Angelika Viets. “Ne jemi të zhgënjyer që propozimi nuk është diskutuar paraprakisht me partnerët e Kosovës në NATO dhe aktorë të tjerë relevantë. Jemi të brengosur, sepse ky propozim rrezikon bashkëpunimin e Kosovës me NATO-n dhe pengon dialogun e normalizimit”, ka deklaruar Ambasada gjermane në emër të ambasadores, Viets. Kjo ambasadë ka rekomanduar që të bëhen llogaritë duke pasur në konsideratë qëndrimet e NATO-s, të dhëna përmes sekretarit gjeneral, Jens Stoltenberg, se aleanca do të ndryshoj angazhimin ndaj FSK-së, nëse transformimi i saj në ushtri bëhet vetëm me projekt-ligj e pa ndryshime Kushtetutë. “Vendimmarrësit duhet të kenë parasysh paralajmërimet e NATO-s; se NATO-s do t’i duhet të rishikojë nivelin e saj të përkushtimit, posaçërisht për sa i përket çështjes së ngritjes së kapaciteteve, nëse ligji aktualisht i propozuar miratohet”, thuhet në reagimin e ambasadës se Gjermanisë.

 

Kontrolloni gjithashtu

Mimoza Ahmetaj

Mimoza Ahmetaj: Zgjedhjet e parakohshme si zgjidhje për Kosovën

Ish-ministrja e Integrimeve, Mimoza Ahmetaj, ka bërë thirrje për zgjedhje të parakohshme si zgjidhje për …