Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Apelit, në Hagë, si gjykatë e Shkallës së Dytë, por në kuadër të Gjykatës Speciale, sot pritet të shqiptojë aktgjykimin përfundimtar në rastin gjyqësor kundër ish-krerëve të Organizatës së Veteranëve të Luftës së Ushtrisë Çlirimtare të Kosovës Hysni Gucati dhe Nasim Haradinaj, të cilët janë shpallur fajtorë në shkallën e parë. Më 18 maj të vitit 2022, Gucati dhe Haradinaj u shpallën fajtorë për pengim të administrimit të drejtësisë, duke u dënuar me nga katër vjet e gjysmë burg. Ata janë në paraburgim në Hagë që nga shtatori i vitit 2020. Avokatët e Gucatit dhe Haradinajt menjëherë pas shpalljes së aktgjykimit në shkallën e parë apeluan vendim, duke thënë se presin zvogëlim të dënimit. Ata kanë argumentuar se një dënim i tillë është dukshëm i tepërt dhe përtej ndonjë dënimi të shqiptuar më përpara në ndonjë rast tjetër të krahasueshëm.
