Avokati i Hashim Thaçit, Gregory Kehoe, në një shkresë të gjatë, ka listuar argumente, që sipas tij, Gjyqtari i Procedurës Paraprake duhet t’i marr parasysh për lirimin në arrest shtëpiak të Hashim Thaçit. Ai përmend garancinë e dhënë nga Policia e Kosovës dhe garancitë e Qeverive të vendeve të treta. Avokati ka thënë se nuk ka rrezik që klienti i tij të ikë apo që të bëjë përpjekje për të penguar procedurat e Gjykatës, dhe gjithashtu thekson se s’ka ndonjë rrezik që Hashim Thaçi të kryejë ndonjë vepër tjetër penale. Në çfarëdo rasti, nëse kërkohet, z. Thaçi konfirmon se ai është i gatshëm që të pranojë arrestin shtëpiak nën çfarëdo kushti të arsyeshëm që Gjykata e Procedurës Paraprake e sheh të nevojshëm, përfshirë edhe kushtet standarde të arrestit shtëpiak për të plotësuar çdo kërkesë apo shqetësim të Prokurorisë dhe Gjykatës”, thuhet në kërkesën e mbrojtjes. Gjithashtu mbrojtja e Thaçit ka përsëritur si alternativë edhe lirimin e Thaçit në një shtet të tretë që ka dhënë garancitë.
Kontrolloni gjithashtu
Senati amerikan miratoi një projektligj ndërpartiak, që synon angazhim më të shtuar të Amerikës në Ballkanin Perëndimor
Komisioni për Çështje të Jashtme i Senatit amerikan miratoi javën e kaluar një projektligj ndërpartiak, …