Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi i Grave Deputete të Kuvendit të Kosovës, ka dënuar ashpër aktin makabër të vrasjes së një gruaje nga bashkëshorti i saj, në Kamenicë. “Është tronditje e thellë për çdo njëri normal, kur dëgjon për vrasje në martesë, në mesë të bashkëshortëve. Sikurse që është akt i pa pranueshëm dhuna në familje, e cila jo rrallë herë përfundon në tragjedi si rasti i fundit në Kamenicë, ku në mënyrë mizore burri ia merr jetën gruas së tij. Institucionet e drejtësisë duhet të jenë të qarta dhe të shpejta në trajtimin e rasteve të dhunës në familje, duke vendosur dënime maksimale ndaj çdo dhunuesi, në mënyrë që rastet e dhunës të mos marrin epilog tragjik”. “Dhuna nuk ka qenë dhe kurrë nuk do bëhet mjet i cili zgjidhë probleme në martesë. E aq më pakë vrasja. Si shoqëri duhet t’i qasemi më me seriozitet kësaj dukurie duke e dënuar fuqishëm dhe raportuar çdo akt të dhunës. Prandaj duke e dënuar vrasjen e mbrëmshme në Kamenicë, si kryesuese e Grupit të Grave Deputete dhe si njëri, shpreh ngushëllimet më te thella për familjen e viktimës”, është thënë në reagimin e kryetares së GGD-së, Vlora Limani-Hajnuni, në emër të Grupit të Grave Deputete.
