Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas takimit me delegacionin tonë në Bruksel, komisionari evropian, Johanes Hahn tha se nga 95 kushtet e vëna Kosova ka përmbushur 93 prej tyre. Ai theksoi më tutje se sa i përket përmbushjes së kushteve të mbetura Hahn theksoi se kjo është përgjegjësi e të gjithë politikanëve në Kosovë. Është e mundur që Komisioni Evropian të prezantojë një raport të fundit për Kosovën në maj të vitit që vjen dhe aty do të shihet se a do të ketë nevojë për një raport të dytë apo se çdo gjë ka përfunduar dhe të lajmërohet këshilli. Pyetjes se përse Kosovës i është vendosur kusht demarkacioni kur të gjithë e dimë se nuk ishte kushti i njëjtë edhe për vende të tjera të ish-Jugosllavisë siç është Kroacia, Hahn u përgjigj duke thënë se “ne kemi mësuar nga gabimet e mëhershme dhe se nuk duam të lëmë çështje të pazgjidhura”. Ai shtoi më tutje se të gjitha këto kushte nuk janë imponuar por janë rezultat i një marrëveshje të përbashkët dhe se të gjitha këto duhet të realizohen.
