Ramush Haradinaj

Haradinaj: Unë kam qenë dhe jam në Kosovë dhe për Kosovën në çdo kohë dhe situatë

Duke komentuar njoftimet dashakeqe se lideri i Aleancës për Ardhmërinë e Kosovës, Ramush Haradinaj ka munguar në takimin e kryetarëve të partive opozitare të mbajtura sot me kryeministrin, Albin Kurti, ai ka shkruar se gjithmonë ka qenë dhe është i gatshëm për ta dhënë kontributin e tij maksimal për Kosovën.

“I jam përgjigjur kërkesës për takim me Kryeministrin në orën 9 dhe unë në këtë orë isha në zyrën e tij, por ai nuk ishte aty!

Takimi do të duhej të ishte informativ për situatën e sigurisë në veri.

Qëndrimi im për situatën në veri është i qartë dhe ai nuk ndryshon kurrë, pavarësisht nëse vjen kryeministri në takim apo jo!

Kosova duhet të mbrohet edhe me jetë.

Gjithmonë me mbrojtësit e Kosovës!

Unë kam qenë dhe jam në Kosovë dhe për Kosovën në çdo kohë dhe situatë.

Koordinimi me aleatët tanë duhet të jetë përhershëm!, ka shkruar lideri i Aleancës për Ardhmërinë e Kosovës, Ramush Haradinaj.

Kontrolloni gjithashtu

Behxhet Pacolli

Behxhet Pacolli: Qeverisë Kurti i mungojnë kuadrot, eksperienca, dituria dhe kreativiteti

Kryetari i Aleancës Kosova e Re, Behxhet Pacolli, dëshiron ta shoh Kosovën me një Qeveri …