Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, ka kritikuar Lëvizjen Vetëvendosje për kërkesën që seanca për konstituimin e Kuvendit të mbahet vetëm një herë në javë. Ajo tha se kjo është dëshmi se VV nuk është e interesuar për zgjidhjen e ngërçit institucional. E reduktojnë mungesën e institucioneve në një problem të mbledhjes teknike të deputetëve, tha Bajrami. Sipas saj, është për të ardhur keq që për herë të 17-të Kuvendi mblidhet pa asnjë rezultat. Ajo u shpreh se LDK është e gatshme të shqyrtojë çdo kandidat për kryetar Kuvendi që sjell zgjidhje. “Brenda 24 orëve mund të propozoni edhe 47 kandidatë tjerë,” u shpreh ajo me ironi. Bajrami theksoi se qytetarët nuk mund të mbesin peng i një bllokade politike të qëllimshme. Kërkesa për votim të fshehtë, sipas saj, është manovër për të shmangur përgjegjësinë. LDK, PDK dhe AAK mbeten të palëkundura kundër kësaj forme të votimit. Kuvendi do të mblidhet sërish më 19 maj, pa një zgjidhje të qartë në horizont.
