Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Organizatës së Veteranëve të Luftës së UÇK-së, Hysni Gucati, ka bërë thirrje për pjesëmarrje masive në marshin që do të mbahet më 12 shtator në Prishtinë, në mbështetje të ish-krerëve të Ushtrisë Çlirimtare të Kosovës që po përballen me procesin gjyqësor në Hagë. Përmes një mesazhi drejtuar familjeve të dëshmorëve, veteranëve, invalidëve dhe qytetarëve të Kosovës e shqiptarëve kudo në botë, Gucati ka ftuar qytetarët që t’i bashkohen marshit, i cili nis në orën 14:00 në kryeqytet. Ai ka vlerësuar se bëhet fjalë për një moment kur, sipas tij, duhet të dëgjohet fuqishëm zëri i qytetarëve në mbështetje të ish-krerëve të UÇK-së, të cilët i cilëson si njerëzit që “veshën uniformën e lirisë dhe i dhanë jetë shtetit tonë”. “Drejtësia nuk është e plotë derisa çlirimtarët tanë të jenë të lirë”, ka shkruar Gucati, duke e mbyllur thirrjen me mesazhin “Liria ka emër, dhe ajo mbrohet bashkë”
