Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ekspertë të ekonomisë kanë konstatuar se rritja e numrit të përfituesve nga skema e transfereve sociale për veteranët e luftës të ish-Ushtrisë Çlirimtare të Kosovës, e rrezikon buxhetin e shtetit, duke e futur në deficit buxhetor dhe duke shkurtuar mundësitë për investime në ekonomi, thonë ekspertë të kësaj fushe. Rrezikun nga deficiti buxhetor e ka paralajmëruar së fundi edhe Banka Botërore. Megjithëkëtë, deficiti prej 2.5 për qind të bruto produktit vendor të Kosovës po shihet si mjaft i rrezikshëm për buxhetin e shtetit nga drejtori i Qendrës për Hulumtime Strategjike dhe Sociale, Ibrahim Rexhepi. “Është i rrezikshëm për faktin se ky 2.5 për qindëshi përsëritet për secilin vit për shkak të numrit të njerëzve që përfitojnë nga skemat sociale dhe për më keq është një presion i vazhdueshëm në buxhetin e vendit dhe krejt ky presion mund të tejkalohet, përkatësisht, mund të kënaqen kërkesat duke shkurtuar shpenzimet tjera, në këtë rast duke dëmtuar zhvillimin e vendit”, ka theksuar Rexhepi për “Radion Evropa e Lirë”.
