leoni

Azem Syla

Kanë përfunduar seancat e hetuesisë së veçantë kundër ish-deputetit të PDK-së, Azem Syla

Kanë përfunduar seancat e hetuesisë së veçantë kundër ish-deputetit të PDK-së, Azem Syla, gjatë të cilave është marrë në pyetje dëshmitari i mbrojtur i Prokurorisë. Dëshmitari “2” gjatë marrjes në pyetje të mërkurën dhe të enjten nga avokatët, ka mohuar që të jetë kërcënuar apo që i është kërkuar që të ndryshohen deklaratat. Pas kësaj, Tomë Gashin, ka vendosur  t’i bëjë kërkesë gjykatës që i mbrojturi i tij të lirohet nga masa e paraburgimit. Gashi ka thënë për “KosovaPress” se pas deklarimit të dëshmitarit, gjykata e ka shpallur të mbyllur mundësinë e hetuesisë së veçantë. Ai ka thënë tashmë loja është në duar e prokurorit të EULEX-it për të ngritur aktakuzë apo jo. Sot kemi pas ditën e fundit ku ka dëshmuar dëshmitari me numër 2. Në rast se prokurori nuk do të ngreh aktakuzë, Gashi ka thënë se kjo do të ishte fitore e drejtësisë, apo krijim i një zhurme të madhe për asgjë.

 “Nëse prokurori nuk ngreh aktakuzë atëherë do të ishte një fitore e drejtësisë apo do të ishte diçka që është krijuar vetëm një zhurmë e madhe për asgjë. Unë besoj që prapë se prapë të paktën për të arsyetuar punën e vetë gjithë këtë mund që prokurori e ka bërë për më tepër se dy vite e gjysmë ai formalisht së paku do të ngrit aktakuzë, por ne nuk e dimë kundër kujt”, ka thënë Gashi. Megjithatë Gashi ka vlerësuar se prokuroria nuk do të ngreh aktakuzë për 52 personat. Ai ka thënë se lënda e Azem Sylës është përdorur si një arsye për kërkim të vazhdimit të mandatit të EULEX-it. “Nuk besoj që do të ngreh ai aktakuzë kundër 52 personave, mirëpo kjo lëndë e Azem Sylës është përdorur si një prej arsyeve të kërkimit të mandatit të ri të EULEX-it ngase mandati i EULEX-it ka përfunduar më 14 qershor të këtij viti, ndërsa Azem Syla dhe një pjesë e atyre të dyshuarve në këtë rast penal janë arrestuar në fund të prillit të këtij viti. Sido që të jetë ne presim vendimin e prokurorit. Ndërsa sa i përket gjykatës presim që ta aprovojë kërkesën time për lirimin e tij nga paraburgimi”, ka thënë avokati Tomë Gashi.

Kontrolloni gjithashtu

Bill Clinton dhe bashkëshortja e tij, Hillary Clinton, mbështesin kandidaturën e zonjës Kamala Harris për kryetare të Amerikës

Ish-kryetari Shteteve të Bashkuara, Bill Clinton dhe bashkëshortja e tij, Hillary Clinton, e cila garoi …