Ideatorët e platformës “Liria Ka Emër” kanë falënderuar të gjithë pjesëmarrësit në Marshin për Drejtësi

Ideatorët e platformës “Liria Ka Emër”, Ismail Tasholli dhe Eliza Hoxha kanë falënderuar të gjithë qytetarët për pjesëmarrjen e tyre masive e madhështore në “Marshin për Drejtësi”. Ismail Tasholli ka theksuar se se Ushtria Çlirimtare e Kosovës është vlera më sublime që ka krijuar kombi ynë, prandaj sot po marshohet kundër ndryshimit të historisë. “UÇK-ja është emëruesi ynë i përbashkët. Është vlera më sublime që kemi krijuar si komb. Ne, si komb, njëzëri, bashkë, marshojmë kundër ndryshimit të historisë. Marrshojmë për drejtësi. Hashim Thaci, Kadri Veseli, Jakup Krasniqi e Rexhep Selimi fillojnë nesër betejën e radhës. Betejën për të vërtetën dhe drejtësinë. Si gjithmonë, do të na kthehen fitimarë e faqebardhë” theksoi, Ismail Tasholli. Organizuesja tjetër e këtij aktiviteti, Eliza Hoxha ka theksuar se përgjatë dy javëve të aktiviteteve për këtë për këtë marshim, i ka ndjerë nga afër dhimbjet e plagëve të luftës dhe thirrjen e qytetarëve të Kosovës për drejtësi. “E kam ndjerë në dhimbjen e nënes Ferdonije, në guximin e Shyhretes dhe Vasfijes, në stoicizmin e Fahrije Hotit, në qëndresën e bacës Shaban. E kam parë dhe ndjerë sa e gjallë dhe sa e hapur vazhdon të jetë plaga jonë, dhe thirrja për drejtësi. Përulësisht, ju falenderoj nga zemra që jeni me ne sot” ka theksuar në mes tjerash, deputetja, Eliza Hoxha.

Kontrolloni gjithashtu

Deminuesit e forcave të KFOR-it, kanë asgjësuar një sasi të dyshimtë të municionit të zbuluar në Mitrovicën e Jugut

Misioni i KFOR-it, në Kosovë ka ndërhyrë për të asgjësuar në mënyrë të sigurt një …