Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhur me paralajmërimin e tërheqjes së disa avokatëve nga mbrojtja e Hashim Thaçit, vëllai i tij, Idriz Thaçi, e ka falënderuar avokatin Kehoe dhe ekipin e tij për angazhimin e deritashëm, ndërkohë që ka sqaruar se kontrata me kompaninë ligjore “GLA”, nuk është vazhduar në vitin 2024 për shkak të vështirësive financiare në mbulimin e çmimeve së të gjithë avokatëve të angazhuar si pjesë e mbrojtjes së Hashim Thaçit. Në pamundësi për ta mbuluar koston për të gjithë avokatët e angazhuar deri tani jemi detyruar ta reduktojmë ekipin dhe tani avokat kryesor i z. Thaçi është Luka Misetic, i cili do të jetë në koordinim të plotë edhe me avokatët e tjerë ndihmës. Ne e falënderojmë z. Kehoe dhe ekipin e tij për angazhimin e deritashëm dhe për punën e mirë që e kanë bërë në mbrojtjen e ish-kryetarit të Kosovës, Hashim Thaçi. Po ashtu, besojmë se ekipi aktual do ta vazhdojë me përkushtim të plotë mbrojtjen dinjitoze ligjore dhe në fund të këtij procesi do të dëshmohet pastërtia dhe e vërteta e luftës së UÇK-së”, ka thënë Idriz Thaçi.
