Invalidët e luftës së UÇK-së, do të protestojnë të martën para Qeverisë së Kosovës

Invalidët e luftës së UÇK-së, do të protestojnë të martën para Qeverisë së Kosovës

Invalidët e luftës së UÇK-së, kanë paralajmëruar një protestë të cilën do ta mbajnë të martën, përballë Qeverisë së Kosovës, me qëllim që të shprehin pakënaqësitë e tyre në lidhje me mos formimin e Komisionit Mjekësor. Përmes një postimi në rrjetin social Avni Halilaj, ka thënë që Shoqata e Invalidëve të Luftës e as Qeveria e Kosovës nuk janë duke punuar në këtë drejtim. Kurse Kryetari i Këshillit për Mbrojtjen e të Drejtave të Veteranëve, Xhevdet Qeriqi, ka bërë të ditur që ka shumë ankesa nga invalidët e luftës, për padrejtësitë që po u bëhen atyre. “Pothuajse çdo ditë kam marrë ankesa, ndërsa tani ata kanë vendosur që të dalin për të kundërshtuar padrejtësitë që po u bëhen. Unë do të jem pjesë e këtij organizimi dhe natyrisht që do t’i përkrahim”, ka thënë Qeriqi.

Kontrolloni gjithashtu

Kontestimi i provave vizuale në proceset gjyqësore ndërkombëtare: rasti i fotografisë Thaçi–Demaçi në Gjykatën Speciale

Në sallën e Gjykatës Speciale në Hagë, një moment i pazakontë ndezi debat mes mbrojtjes …