kek
Airport Adem Jashari
MIT
Fillimi / Institucionet / INXHINIERËT E MIT I DALIN NË NDIHMË SHQIPËRISË

INXHINIERËT E MIT I DALIN NË NDIHMË SHQIPËRISË

Në kuadër të mobilizimit të Qeverisë së Republikës së Kosovës për t’i dalë në ndihmë Shqipërisë në përballjen me dëmet e tërmetit, Ministria e Infrastrukturës dhe Transportit ka dërguar 14 inxhinierë të ndërtimtarisë, për të ndihmuar në vlerësimin e dëmeve të shkaktuara në objekte. Ekipit të MIT i janë bashkuar edhe 12 profesorë të kolegjit UBT, nga fusha e ndërtimtarisë e gjeologjisë, në kuadër të marrëveshjes së bashkëpunimit mes MIT dhe këtij institucioni arsimor. Ky ekip gjendet në Shqipëri, pas kërkesës së autoriteteve të atjeshme dhe do të kryejnë punë në teren, në koordinim të plotë me vendasit. Shqipërinë MIT do ta ndihmojë edhe me makineri të rëndë bartëse, për pastrim të objekteve të rrënuara, pas vlerësimeve të inxhinierëve. Ekipi po udhëhiqet nga zëvendësministri i MIT, Rexhep Kadriu dhe shefi i kabinetit të ministrit Pal Lekaj, Argjend Zejnaj. MIT mbetet në dispozicion të vazhdueshëm për të ndihmuar Shqipërinë, pas tragjedisë natyrore që la pasoja të rënda për vendin.

Kontrolloni gjithashtu

Takohen kryetarët e dy komunave, Deçanit dhe Plavës ,rruga Deçan-Plavë cilësohet te jetë projekt shekullorë dhe vepër jetësorë

Kryetari i komunës së Deçanit Bashkim Ramosaj me bashkëpunëtorë dhe zyrtar të Ministrisë së Infrastrukturës, ...