Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Suedisë në Kosovë, Jonas Westerlund, ka theksuar nevojën urgjente për formimin e institucioneve të Kosovës, duke vlerësuar se mungesa e tyre ka vonuar realizimin e shumë punëve të rëndësishme. Ai nënvizoi rëndësinë e krijimit të një qeverie stabile, qoftë e vetme apo koalicioni, për të adresuar çështje kyçe si punësimi, pensionet dhe mirëqenia sociale. Westerlund tha se pas mbajtjes së zgjedhjeve, Kosova duhet të ecë shpejt përpara me miratimin e buxhetit, kredive nga Banka Botërore dhe avancimin e dialogut Kosovë–Serbi, duke theksuar domosdoshmërinë e zbatimit të Marrëveshjes së Brukselit dhe Aneksit të Ohrit. Sipas tij, e ardhmja e Kosovës mbetet e ndritshme dhe viti 2026 mund të jetë një vit pozitiv për zhvillimin ekonomik dhe stabilitetin politik.
