Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse kanë kaluar më shumë se 48 orë nga ndërprerja e seancës konstituive të së shtunës, kryesuesi Avni Dehari nuk ka thirrur vazhdimin e saj, duke shkelur rregulloren e punës së Kuvendit. Ndërsa Dehari ka arsyetuar vonesën duke kërkuar marrëveshje politike dhe duke akuzuar disa deputetë opozitarë për nxitje incidentesh, kryeministri Albin Kurti ka shmangur pyetjet e gazetarëve lidhur me këtë bllokadë. Moskonvokimi i seancës ka nxitur reagime të ashpra nga përfaqësuesit opozitarë. Artan Behrami, Ermal Sadiku dhe Burim Ramadani kanë akuzuar Lëvizjen Vetëvendosje për shkelje të njëpasnjëshme të Kushtetutës, vendimeve të Gjykatës Kushtetuese dhe rregullores parlamentare, duke e cilësuar vonesën si shkatërrim institucional. Si pasojë e rezultatit zgjedhor ku LVV ka siguruar 53 mandate, konstituimi i Kuvendit mbetet i bllokuar në mungesë të shumicës prej 61 votash.
