Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Besnik Tahiri, ka kritikuar ashpër zvarritjen e seancës për konstituimin e Kuvendit, duke e quajtur bllokadën aktuale një abuzim dhe shkelje të hapur. Përmes një videoje nga ambientet e zbrazëta të Kuvendit, Tahiri bëri me dije se deputetët nuk kanë marrë asnjë ftesë për vazhdimin e punimeve, gjë që sipas tij bie ndesh me rregulloren e punës dhe aktvendimin e Gjykatës Kushtetuese. Ai deklaroi se institucioni më i lartë ligjvënës është kthyer në një vend muzeal, plotësisht pa aktivitet, duke hedhur poshtë edhe pretendimet për hapjen e zyrave për diasporën. Në përmbyllje, Tahiri theksoi se Kuvendi duhet nevojisht të nisë punën dhe të ushtrojë funksionin e tij kushtetues pa vonesa të mëtejshme.
