KEK
Fillimi / Lajmet / Kataniq: Grupi i organizuar terrorist nga Serbia kishte për qëllim t’i sulmonte organet shtetërore ditën e zgjedhjeve
Kataniq: Grupi i organizuar terrorist nga Serbia kishte për qëllim t'i sulmonte organet shtetërore ditën e zgjedhjeve

Kataniq: Grupi i organizuar terrorist nga Serbia kishte për qëllim t’i sulmonte organet shtetërore ditën e zgjedhjeve

Organet relevante shtetërore të Malit të Zi disponojnë  fakte që bëjnë me dije  se grupi i shtetasve nga Serbia që ndërhynë në ditën e zgjedhjeve, në Mal të Zi, deshi të organizonte dhunë në fund të ditës zgjedhore dhe të kryejnë akte terroriste. Prokurori special për luftë kundër krimit të organizuar e korrupsionit,  Milivoje Kataniq, në një intervistë për televizionin “Vijesti”në Podgoricë, ka thënë se grupi i veshur në uniforma të policisë malazeze, ka pasur plan të hyjë në Parlamentin e Malit të Zi dhe nga aty, në një moment të caktuar, të hapë zjarr  kundër qytetarëve dhe kjo, sipas planit, do të nxiste trazira përmasash të mëdha. “Ka fakte se disa dhjetëra persona, relativisht të ushtruar, janë infiltruar në Mal të Zi”, ka thënë Katniq.  Ai ka shtuar se lista e të dyshimtëve nuk është përfundimtare, ndërsa ka theksuar se Prokuroria Speciale është një njohuri për grupin kriminal nga Danilovgradi që është dashur ta ndihmonte grupin nga Serbia. Për të gjitha këto që po flas, kam fakte. Po të ishte realizuar skenari , Mali i Zi do të vishej me të zeza” ka thënë Kataniq. Nga ky grup janë liruar 6 persona ndërsa i arrestuar ka mbetur ende ish – shefi i Xhandarmërisë së Serbisë, Bratislav Dikiq.

Kontrolloni gjithashtu

Kadri Veseli: Në zgjedhjet e ardhshme lista e kandidatëve të PDK-së do të përshijë më shumë të rinj

Kadri Veseli: Në zgjedhjet e ardhshme lista e kandidatëve të PDK-së do të përshijë më shumë të rinj

Kryetari i PDK-së, Kadri Veseli gjatë takimit me të rinjtë në Kaçanik, ka thënë se ...