Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Koloneli në pension i Forcave të Sigurisë së Kosovës, Hyseni Gecaj, ka deklaruar se ndërhyrjet e Policisë së Kosovës në veri, siç ishte mbyllja e një institucioni paralel, janë të justifikueshme, por theksoi nevojën për koordinim me faktorin ndërkombëtar, veçanërisht me KFOR-in. Ai nënvizoi rëndësinë e bashkëpunimit të ngushtë me partnerët ndërkombëtarë për të shmangur pasojat e mundshme për Kosovën. Çdo intervenim që bëhet jashtë një koordinimi me KFOR-in mund të sjellë pasoja për Kosovën. Serbia është faktor destabiliteti në rajon dhe dorë e zgjatur e Rusisë. Duhet të kemi kujdes dhe koordinim të përditshëm me KFOR-in që të mos kemi lëshime, tha ai Në lidhje me paralajmërimet e Kryeministrit Kurti për sulme të mundshme nga grupe terroriste të mbështetura nga Serbia, Hysni Gecaj kritikoi përdorimin politik të këtyre deklaratave, duke thënë se çështjet e sigurisë kombëtare nuk duhet të politizohen. Lidhur me mos-certifikimin e Listës Serbe për zgjedhjet e ardhshme, Gecaj tha se ky akt është vonuar dhe duhet të argumentohej më mirë ligjërisht. Ai sugjeroi që Lista Serbe duhet më parë të shpallet organizatë terroriste bazuar në përfshirjen e saj të supozuar në aktivitete kriminale.
