Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i KFOR-it, gjeneralmajori Ozkan Ulutash, ka zhvilluar një takim me ambasadorët e vendeve të QUINT-it, si dhe me përfaqësues të Turqisë dhe Bashkimit Evropian në Kosovë.
Gjatë takimit, gjeneralmajori Ulutash paraqiti vlerësimin e tij për situatën e sigurisë në rajon, duke ritheksuar përkushtimin e KFOR-it për ruajtjen e një mjedisi të sigurt dhe të qetë për të gjithë qytetarët e Kosovës.
“Në këtë kontekst, komandanti i KFOR-it vlerësoi kontributin e kahershëm të të gjithë pjesëmarrësve në mbështetje të misionit të KFOR-it”, thuhet në njoftim.
Ndërkohë, në ditën kur shënohet 27-vjetori i hyrjes së NATO-s në Kosovë dhe nisjes së misionit të KFOR-it, është bërë e ditur se po planifikohet një zvogëlim i numrit të trupave në këtë mision.
Komandanti i NATO-s për Evropën, gjenerali amerikan Alexus Grynkewich, ka thënë se do të ketë një “optimizim” të pranisë së NATO-s në Kosovë, si rezultat i përmirësimit të vazhdueshëm të situatës së sigurisë dhe rritjes së kapaciteteve të institucioneve vendore të sigurisë.
“NATO dhe KFOR-i janë tërësisht të përkushtuar për sigurinë në Kosovë. Pikërisht falë këtij përkushtimi është përmirësuar situata e sigurisë, pasi organizatat e sigurisë në Kosovë kanë rritur kapacitetet e tyre. Kushtet ekzistuese krijojnë mundësi për optimizimin e mëtejshëm të madhësisë dhe pranisë së KFOR-it”, ka deklaruar ai.
