Komiteti për Komunitete në Malishevë, nën drejtimin e kryesuesit Amrush Helshani, të mërkurën mbajti mbledhjen e parë për këtë vit.
Përveç trajtimit të çështjeve të zakonshme, në mbledhje u shqyrtua edhe plani i punës për vitin vijues. Anëtarët paraqitën propozime të ndryshme, të cilat do të përfshihen në planin e punës që pritet të miratohet në mbledhjen e ardhshme, thuhet në njoftimin në faqen zyrtare facebook të komunës së Malishevës.