Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
9 maji shënon ditën e përfundimit të luftës së Dytë Botërore dhe kapitullimit të Gjermanisë së Rajhut të Tretë. Por kjo nuk ka të bëjë me këtë ditë të shënuar të historisë së njerëzimit. 9 maji te ne festohet si Dita e Evropës, e cila nuk ka të bëjë fare me shqiptarët por as me Ballkanin. Kosova është i vetmi shtet në Evropë që e feston këtë ditë si festë zyrtare, të cilën nuk e feston asnjë prej shteteve themeluese. Nuk është ky paradoksi i vetëm. Në ish Jugosllavinë e Titos, pasi kishte vdekur Josip Brozi ishte vetëm RTP-ja e Radio Prishtina që e hapnin programin me siglën, “Shoku Tito ne të Betohemi, se nga rruga jote kurrë nuk do të largohemi”. Asnjë medium shtetëror në ish RSFJ nuk e kishte praktikuar hapjen e programi me atë sigël, servile e vetë nënshtruese. Kjo praktikë zgjati deri kur Serbia e mbylli RTP-në në vitin 1990. Kosova, pavarësisht se është i vetmi vend në Evropë që është përjashtuar madje edhe nga liberalizimi i vizave, Feston Ditën e Evropës, si festë zyrtar, baras me ditën e Shpalljes së Pavarësisë. Bazuar në Ligjin për Festat Zyrtare në Kosovë, kjo ditë është festë me plot kuptimin e fjalës, pasi administrata shtetërore nuk punon, nuk punojnë as shkollat apo universitetet, e gjithashtu as shumë qendra mjekësore të nivelin primar.
