mbpzhr 2018
MIT
Airport Adem Jashari
kek
Fillimi / Lajmet / Krasniqi: Pa debat të brendshëm, konsensus nacional e platformë nga Kuvendi, nuk do të duhej të fillonin bisedimet politike
Jakup Krasniqi: Më problemet aktuale që ka Kosova duhet të shqyrtohet edhe opsioni i zgjedhjeve të parakoshme

Krasniqi: Pa debat të brendshëm, konsensus nacional e platformë nga Kuvendi, nuk do të duhej të fillonin bisedimet politike

Kryetari i Këshillit Kombëtar të Nismës Socialdemokrate, Jakup Krasniqi, ka thënë se pa debat të brendshëm, konsensus nacional e platformë nga Kuvendi, nuk do të duhej të fillonin bisedimet politike. Sipas tij, nuk është në kompetencën e kryetarit t’i bëjë këto bisedime. “Kosova nuk është dashur t’i zhvillojë bisedimet politike, rezoluta më herët është nxjerrë që të zhvillohen bisedime teknike për t`ia lehtësuar jetën qytetarëve, por jo politike. Këtu është gabimi më i madh i palës sonë e cila pa një debat të brendshëm përmbajtjesor i fillon bisedimet”, ka thënë Krasniqi në tryezën e diskutimit”. “E kaluara, e tashmja dhe e ardhmja: Dialogu Kosovë-Serbi dhe mësimet që lidershipi i Kosovës duhet të përsërisë”, organizuar nga Grupi për Studime Juridike dhe Politike “Edhe ata që i kanë mbështet bisedimet kanë përgjegjësi. Ato nuk kishin si të prodhojnë rezultate. Pa krijimin e një konsensusi dhe hartimin e një dokumenti se çka do të diskutohet, nuk duhej të fillonin bisedimet. Pa debat të brendshëm, konsensus nacional, vendim të Kuvendit askush s`ka të drejtë të bisedojë për korrigjim kufijsh. Është fyerje për inteligjencën”, ka vazhduar Krasniqi. Tutje Krasniqi ka porositur që nuk duhet t’i besohet serbëve për marrëveshje sepse e kaluara ka treguar që ata nuk i kanë respektuar.”Edhe nëse thuhet se Serbia do ta njeh Kosovën nëse arrihet marrëveshja për shkëmbimin e territoreve, atyre nuk duhet t’iu besohet. E kaluara na ka vërtetuar këtë”, ka thënë Krasniqi.

Kontrolloni gjithashtu

Daka

Raportimet për manipulime me numërimin e votave të kandidatëve për deputetë, nuk kanë rezultuar me ndonjë kallëzim penal

Kryetarja e Komisionit Qendror të Zgjedhjeve, Valdete Daka, me kohë kishte ftuar prokurorët e shtetit ...