Krerët e Komunës së Malishevë dhe të Policisë, kanë inspektuar qarkullimin në rrugët e qytetit

27/07/2019 Institucionet

 

Kryetari dhe nënkryetari i Komunës së Malishevës, Ragip Begaj dhe Hajdin Berisha, të shoqëruar nga komandanti i stacionit policor në Malishevë, kapiteni Azem Krasniqi, kanë inspektuar qarkullimin në rrugët e qytetit, duke u njoftuar më gjerësisht me qarkullimin rrugor gjatë natës në qytetin e Malishevës. Qëllimin i këtij inspektimi ishte njoftimi me qarkullimin rrugor në orët e mbrëmjes për shkak të numrit të madh të veturave në këtë periudhë, gjendja e rrugëve, shpejtësia, si dhe patrullimi i policisë. Gjatë këtij inspektimi, Begaj, Berisha e Krasniqi, janë takuar me njësitë policore në patrullim, si dhe me qytetarë të rastit. “Siguria në rrugë, në muajt korrik dhe gusht, është dëshirë e përbashkët e të gjithëve, prandaj të gjithë së bashku duhet të jemi të angazhuar që qytetarët, por edhe vozitësit të kenë siguri gjatë qarkullimit në rrugët e qytetit”, tha kryetari gjatë këtij inspektimi të përbashkët. “Ne morën zotimin e policisë sonë, se do të jenë të angazhuar maksimalisht për krijimin e sigurisë në rrugët e qytetit dhe në të gjitha rrugët tjera në territorin e Komunës së Malishevës”, tha kryetari Begaj.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara