MIT
kek
Airport Adem Jashari
Fillimi / Lajmet / Kryekuvendari Kadri Veseli falënderoi kongresmenin Engel për kontributin që i ka dhënë dhe po i jep Kosovës
Kryekuvendari Kadri Veseli falënderoi kongresmenin Engel për kontributin që i ka dhënë dhe po i jep Kosovës

Kryekuvendari Kadri Veseli falënderoi kongresmenin Engel për kontributin që i ka dhënë dhe po i jep Kosovës

Kryetari i Kuvendit të Kosovës, Kadri Veseli, në vazhdën e takimeve me personalitete të njohura të politikës amerikane, është pritur sot në një takim të veçantë nga kongresmeni Eliot Engel. Gjatë këtij takimi të ngrohtë e miqësor, u diskutua për bashkëpunimin e ngushtë Kosovë – SHBA, për zhvillimet politike në vendin tonë, forcimin e subjektivitetit ndërkombëtar të shtetit të Kosovës, mbështetjen amerikane në këtë proces dhe perspektivën euro-atlantike të shtetit të Kosovës. Kryeparlamentari, Veseli falënderoi kongresmenin Engel për angazhimin e tij të gjatë prej disa dekadash në mbështetje të Kosovës dhe nëpërmjet tij, shtetin dhe popullin amerikan.

Kongresmeni Engel, nga ana e tij, tha se Shtetet e Bashkuara të Amerikës do të vazhdojnë të jenë përkrah Kosovës në të gjitha proceset që ajo ka para vetes. Engel tha se Bashkimi Evropian duhet të ndërmarrë hapa të shpejtë për liberalizimin e vizave për qytetarët e Kosovës dhe të punojë bashkë me Kosovën në proceset euro-integruese.

Ai po ashtu tha se Serbia duhet ta njoh shtetin e pavarur dhe sovran të Kosovës. Në këtë takim, Kryeparlamentari Veseli dhe kongresmeni Engel folën edhe për nismën e kryeparlamentarit kosovar për dënimin e gjenocidit dhe krimeve që Serbia ka kryer në Kosovë. Engel tha se kriminelët duhet të përgjigjen para drejtësisë për të gjitha krimet që kanë kryer ndaj popullatës civile gjatë luftës në Kosovë.​

Kontrolloni gjithashtu

Dr. Rexhep Qosja

Rexhep Qosja: Kundërshtarët e shkëmbimit të territorit po ia dhurojnë Serbisë edhe Luginën edhe Veriun

Debati i kohëve të fundit për një korrigjim të mundshëm kufijve me Serbinë, eventualisht për ...