Albin Kurti

Kryeministri, Albin Kurti, ka kërkuar nga kryetari i Kuvendit, Glauk Konjufca që sot të mbahet një seancë e jashtëzakonshme

Kryeministri, Albin Kurti, ka kërkuar nga kryetari i Kuvendit, Glauk Konjufca që sot  në orën 14:00 të mbahet seancë e jashtëzakonshme. Zyra e kryeministrit përmes një komunikate për media ka bërë të ditur se në seancë do të synohet të nxirret një rezolutë e përbashkët ku shprehet vullneti i deputetëve për mbajtjen e referendumit të Serbisë në Kosovë. Në përputhje me nenin 69 paragrafi 4 të Kushtetutës së Republikës së Kosovës dhe nenin 38 paragrafi 2 të Rregullores së Kuvendit të Republikës së Kosovës, kryeministri Kurti i është drejtuar Kuvendit me kërkesë për Seancë të jashtëzakonshme të Kuvendit, për ditën e sotme atë 15 janar 2022, në orën 14:00. Në rend të ditës së kësaj seance të jashtëzakonshme është diskutimi në lidhje me synimin e Serbisë për të mbajtur referendum kushtetues në territorin e Republikës së Kosovës.  Diskutimi nga kjo seancë ka për qëllim të nxjerrë një rezolutë të përbashkët, në të cilën shprehet vullneti politik i deputetëve dhe grupeve parlamentare dhe Kuvendit të Republikës së Kosovës, mbi çështjen e lartshënuar”, thuhet në komunikatë.

Kontrolloni gjithashtu

Në Kabul të Afganistanit 21 qytetarë kanë humbur jetën nga një shpërthim që ndodhi në një xhami gjatë namazit të akshamit

Në Kabul të Afganistanit 21 qytetarë kanë humbur jetën nga një shpërthim që ndodhi në një xhami gjatë namazit të akshamit

Në Kabul të Afganistanit,  21 qytetarë kanë humbur jetën  nga një shpërthim që ndodhi në …