Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Haradinaj, sot në Kuvendin e Kosovës, ku po diskutohet për dialogun me Serbinë, ka informuar deputetët për raportin që ua ka përcjellë lidhur me bisedimet. Ai ka thënë se Kuvendi duhet të marrë në dorë procesin e dialogut të fazës përfundimtare. Sipas tij duhet të bashkohen të gjitha partitë politike për këtë fazë, sepse kjo temë do të marrë një epilog ku duhet të përfshihen të gjithë, në mënyrë që pastaj të mos vajtojmë lidhur me epilogun e bisedimeve. Kryeministri, Haradinaj, kryetari, Hashim Thaçi dhe kryekuvendari, Kadri Veseli, po përpiqen me çdo kusht që në dialog me Serbinë ta inkuadrojnë edhe opozitën, duke ditur paraprakisht se epilogu i bisedimeve do të jetë krejt i pafavorshëm për Kosovën dhe refuzimi i opozitës për të marrë pjesë, jo vetëm vë në dilemë dialogun por edhe marrëveshjen e mundshme të arritur me Serbinë.
