Patriariku serb, Irinej thotë se kryetari serb Aleksandar Vuçiq po lufton si luan për Kosovën në kushte të pabarabarta

Kryepopi Irinej: Kosova mund të jetë humbur, por këtë nuk do ta pranojmë dhe do ta kthejmë me dhunë

Kryepeshkopi serb, Irinej, ka deklaruar  se Kosova edhe mund të jetë humbur, por këtë nuk do ta pranojmë. Ai tha për mediet në Serbi se humbja e Kosovës ka ardhur në mënyrë të dhunshme, dhe në po të njëjtën mënyrë do ta kthejmë. Ajo që na është marrë me dhunë, me dhunë edhe do të kthehet, ka deklaruar Irinej, raporton Tanjug. Asnjëherë nuk e kemi pranuar këtë gjendje. Ne kemi jetuar gjatë me shqiptarët dhe nuk kemi pasur probleme, por njëfarë politike i ka bërë ata më të guximshëm që të dëshirojnë dhe tentojnë që na marrin vendet tona të shenjta dhe t’i paraqesin si të vetat, ka thënë patriarku serb. Kosova nuk është vetëm gjeografi, është  toka jonë e shenjtë, gjithçka që është rrënjë e kulturës dhe historisë serbe gjendet në Kosovë, tha Irinej. Kosova nuk bën të humbet e as që do e lejojmë një gjë të tillë thotë peshkopi i Serbisë i cili kishte bekuar xhelatët serbë në luftërat kundër kroatëve, myslimanëve të Bosnjës dhe shqiptarëve.

Kontrolloni gjithashtu

Olivier Guerot: Themelet e dialogut Kosovë-Serbi mbeten të pandryshuara, Asociacioni prioritet për Kosovën

Ambasadori i Francës në Kosovë, Olivier Guerot, ka theksuar se themelet e dialogut ndërmjet Kosovës …