Kryetari Haliti priti në takim Ministrin e Arsimit, Ramë Likaj dhe kryetaren e komisionit parlamentar për arsim, Bunjaku Rexhepi

20/08/2020 Institucionet

ryetari i Komunës së Vitisë, Sokol Haliti dhe drejtori i Arsimit në Viti, Basri Aliu kanë pritur në takim Ministrin e Arsimit dhe Shkencës, Ramë Likaj, bashkë me kryetaren e Komisionit Parlamentar për Arsim, Valentina Bunjaku Rexhepi. Gjatë këtij takim në veçanti është folur për fillimin e vitit të ri shkollor 2020/2021 konform rekomandimeve të ekspertëve shkaku i pandemisë nga COVID-19 duke ruajtur shëndetin publik. Gjatë këtij takimi kryetari Haliti e njoftoj Ministrin e Arsimit për nevojën që objekti i ri i shkollës fillore të mesme të ulët ” Halil Alidema” në Pozheran të përfundojë sa më parë, pasi që objekti i vjetër nuk plotëson kushtet e sigurisë për mbarëvajtjen të mësimit. Kurse Ministri Likaj, theksoi se ata po shikojnë të gjitha mundësitë për fillimin e vitit të ri shkollor duke potencuar se kjo do të bëhet sipas rekomandimeve të IKSHPK-së duke ruajtur shëndetin publik. Ai bëri me dije se ata do të dalin së shpejti me një vendim përfundimtar për këtë çështje. Gjithashtu Kryetari Haliti tha se Komuna e Vitisë, posedon edhe objektin e vjetër të shkollës së Mesme Profesionale “ Jonuz Zejnullahu” në Viti i cili me një rivitalizim të mirëfilltë do të mund të ju shërbej edukimit dhe arsimit duke treguar mbi propozimet e qeverisë Haliti për ri funksionalizmin. Për të bërë këtë sipas tij komunës ju duhet përkrahje financiare nga niveli qendror. Kreu i kësaj komune potencoi se ata kanë punuar shumë në rititalizimin e objekteve shkollore por paraqiti edhe nevojat për mjetet e konkretizimit. Kurse Kryetarja e Komisionit Parlamentar për Arsim, Valentina Bunjaku e përgëzoj kryetarin Haliti, për punën e mirë në fushën e arsimit, në veçanti në kohën e fundit të mbarëvajtjes së mësimit në distancë shkaku i pandemisë. Basri Aliu, Drejtor i Arsimit në Viti, i njoftoj mysafiret mbi parapërgatitjet e kësaj drejtori dhe komunës për fillimin e procesit mësimor por edhe mbi përgatitjet për testet që pritet të mbahen me mjete mbrojtëse.

Kontrolloni gjithashtu

Njoftim për ndëprerje të qarkullimit rrugor në rrugën “Ilaz Kodra”

Me qëllim të realizimit të projektit për ndërtimin e urës së re mbi Lumin “Klina” …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara