Kryetari i AAK-së, Ramush Haradinaj foli lidhur me letrën që tre liderët shtetërorë i kanë dërguar raportueses, Theodora Bakojannis

Kryetari i Aleancës për Ardhmërinë e Kosovës, Ramush Haradinaj ka folur lidhur me letrën që tre liderët shtetërorë i kanë dërguar raportueses për Kosovën në Këshill të Evropës, Dora Bakojannis.. Haradinaj thotë se e kuptueshme që letra e tre krerëve shtetëror dërguar raportueses, Dora Bakoyannis mund të jetë standard para aplikimit për anëtarësim në Këshillin e Evropës, por kurrsesi nuk mund të cilësohet formalitet, siç e quan pushteti, sepse gama e zotimeve në atë letër është shumë e gjerë dhe përfshinë obligime konkrete. Ata zotohen se do të zbatojnë të gjitha nenet e marrëveshjeve të Brukselit e Ohrit, duke përfshirë edhe Asociacionin. Pyetja është, pse kanë pasur nevojë që deri me tash ta shtyjnë  zbatimin e kësaj marrëveshjeje e të thonë herë e zbatojmë herë nuk e zbatojmë. Thuhet se liderët institucionalë zotohen se do të respektohet pavarësia e gjyqësorit dhe do të hiqet dorë nga kritikat e tepruara ndaj gjyqësorit. Këta zotohen të heqin dorë nga diçka që e kanë aplikuar deri me tash, thekson Haradinaj.

 

Kontrolloni gjithashtu

21 vjet nga masakra mizore e civilëve shqiptarë në Mejë të Gjakovës nga forcat policore e ushtarake serbe

Procedurat ligjore për krime të luftës, që ka kryer Serbia në Kosovë, kanë shkallë tejet të ulët të përfundimit me aktgjykime

Procedurat ligjore për krime të luftës, që ka kryer Serbia në Kosovë, vazhdojnë të kenë …