Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, sërish ka kritikuar kryeministrin Albin Kurti për vendimin e tij që të mos i përgjigjet ftesës së Prokurorisë Speciale, e cila gjatë dhjetorit e thirri si dëshmitar për rastin tashmë pela lidhur me rezervat shtetërore. Haradinaj kujtoi një fjalim të mëparshëm të Kurtit drejtuar ish-presidentit Hashim Thaçi, duke e krahasuar atë me situatën aktuale. “Kurti kishte thënë ‘shko Hashim’ për t’u përballur me drejtësinë. Tani, unë i them Kurtit: ‘Shko Albin, sqaro hajninë, sqaro vjedhjen e rezervave shtetërore apo të energjisë.’ Ramush Haradinaj theksoi se mos-përgjigja ndaj ftesës së Prokurorisë është një mesazh negativ për qytetarët dhe një precedent i dëmshëm për respektimin e ligjit. Ai rikujtoi se ka dhënë dorëheqje dy herë si kryeministër – në vitet 2005 dhe 2019 për t’u përballur me drejtësinë, duke deklaruar se askush, përfshirë kryeministrin, nuk është mbi ligjin. Është e papranueshme që kryeministri të injorojë një thirrje nga institucionet e drejtësisë. Kjo është një thirrje indirekte për qytetarët që të mos i respektojnë ligjet dhe institucionet, ka nënvizuar Ramush Haradinaj.
