Fillimi / Lajmet / Kryetari i FSShk-së, Blerim Syla paralajmëron masa radikale të papara në nuk rriten pagat punonjësve shëndetësorë
Kryetari i FSShk-së, Blerim Syla paralajmëron masa radikale të papara në nuk rriten pagat punonjësve shëndetësorë

Kryetari i FSShk-së, Blerim Syla paralajmëron masa radikale të papara në nuk rriten pagat punonjësve shëndetësorë

Federata Sindikale e Shëndetësisë së Kosovës, menjëherë pas shfuqizimit të Ligjit për Paga nga ana e Gjykatës Kushtetuese, ka mbajtur një konferencë për media, me ç’rast ka bërë të ditur veprimet që do t’i ndërmarrin në ditën në vijim. Kryetari i FSShK-së, Blerim Syla, vendimin e Kushtetueses për anulimin e Ligjit për Paga e ka vlerësuar si lajm të keq për 72 mijë punëtorë, në veçanti për punëtorët shëndetësorë, për të cilët tha se janë në gjendje të rëndë ekonomike. Syla akuzoi edhe politikën e cila si sponsorizuese e ligjeve duhet të sqarohet se pse po ndodhin këto kontestime nga ana e Gjykatës Kushtetuese. Ai tha se kanë pritur që ligji të amendamentohet, por assesi të anulohet. I pari i FSShK-së, ka bërë të ditur se sot do të kërkojnë një takim urgjent me kryeministrin Hoti, ndërsa do të takohen edhe me sindikatat e tjera që përfaqësojnë 72 mijë punëtorët shtetërorë. Nëse kërkesat e tyre nuk realizohen, Syla paralajmëroi masa radikale të papara ndonjëherë në Kosovë.

Kontrolloni gjithashtu

Bashkësia e  bizneseve dhe qytetarët kërkojnë shtyrjen e kësteve të kredisë

Bashkësia e  bizneseve dhe qytetarët po kërkojnë shtyrjen e kësteve të kredisë edhe për tre ...