Kryetari i PDK-së, Memli Krasniqi, përfundoi vizitën zyrtare në Amerikë me homazhe pranë varreve të vëllezërve Bytyçi

Kryetari i PDK-së, Memli Krasniqi, përfundoi vizitën zyrtare në Amerikë me homazhe pranë varreve të vëllezërve Bytyçi

Pasi e nisi vizitën e tij zyrtare në nderim të heronjve amerikanë në Arlington në Uashingtonit,  kryetari i Partisë Demokratike të Kosovës, Memli Krasniqi e ka përfunduar vizitën zyrtare në Shtetet e Bashkuara të Amerikës duke nderuar me homazhe në Jonkers të New Yorkut, heronjtë shqiptarë, vëllezërit Bytyçi pjesëtarë të Batalionit “Atlantiku” të Ushtrisë Çlirimtare të Kosovës, të vrarë nga regjimi i Millosheviqit, në verë të vitit 1999. “Bashkë me vëllain e tyre, Ilirin, si dhe bashkëluftëtarë të tyre nga Batalioni “Atlantiku”, nderuam guximin heroik dhe sakrificën e Mehmetit, Agronit dhe Yllit. Vëllezërit Bytyqi janë shembull i atdhedashurisë. Në kohët më të vështira për Kosovën dhe popullin tonë, me bekimin e prindërve të tyre, ata lanë rehatinë e jetës në SHBA dhe morën rrugën e lavdisë për çlirimin e vendit, duke iu bashkuar radhëve të UÇK-së”, tha Krasniqi. Kryetari i PDK-së Memli Krasniqi tha se populli i Kosovës do t’i jetë përjetësisht mirënjohës familjes Bytyqi për kontributin e tyre të jashtëzakonshëm në çlirimin e Kosovës.  Ndërkaq, Kosova dhe institucionet tona nuk duhet të ndalen së kërkuari drejtësi, deri kur kriminelët serbë të marrin dënimin e merituar për vrasjen e vëllezërve Bytyqi! Lavdi e përjetshme!”, tha Krasniqi.

Kontrolloni gjithashtu

Maja Vukiçeviq, deputetja malazeze shkakton polemika duke votuar kundër anëtarësimit të Kosovës në KE

Maja Vukiçeviq, deputetja proserbe e proruse e Malit të Zi shkaktoi polemika duke votuar kundër …