Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës po e përdorë luftën në Ukrainë për t’i futur njerëzit në ethe të luftës, ka thënë Kryetari i PSD-së, Dardan Molliqaj. Një ditë bën vetë politikë të frikës, të nesërmen kërkon prej njerëzve përmbajtje nga paniku sepse kështu po rriten çmimet. Kryeministri Kurti, kryetari i Kuvendit, Konjufca dhe presidentja Osmani kanë deklaruar ditë me parë për rrezikun direkt të një agresioni serb. Kanë krijuar fond filantropik për mbrojtje, përkundër vërejtjeve të NATO-s, kurse tash na thonë mos u frikësoni. Kjo qeveri është koprrace dhe dorështrënguar sepse është pa besim tek njerëzit. Qeveria i do shifrat më shumë se njerëzit. Ose më saktë, i do njerëzit si shifra”, ka thënë Molliqaj në një konferencë për media.
Këto janë tetë masat e propozuara nga Mollqaj:
1. Rritja e pagës minimale në 350 euro
2. Heqja e akcizës dhe TVSh-së në naftë për bujqit, industrinë prodhuese dhe transportin urban e ndër-urban
3. Përgjysmimi i TVSh-së në derivate për konsumatorët e zakonshëm
4. Dyfishimi i pensionit për këto kategori: pensionet e moshës, pensionet për personat me aftësi të kufizuara, pensioni familjar, pensioni invalidor i punës (nga 100 në 200 euro)
5. Heqja e tatimit në të ardhurat personale deri në 350 euro
6. Vënia në funksion e mekanizmave për t’i ndaluar spekulimet në treg
7. Dyfishimi i Rezervës Shtetërore në mënyrë që të kemi stabilitet të çmimeve
8. Heqja e TVSh-së për produktet bazë siç janë mielli, vaji, sheqeri, kripa, qumështi dhe vezët.
