Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovës, Kadri Veseli, është pritur në Budapest nga kryetari i Kuvendit të Hungarisë, Laszlo Kover. Në këtë takim u diskutua për zhvillimet e fundit politike në Kosovë dhe për rrugën e integrimeve evropiane, Kryekuvendari, Veseli, është cituar të ketë deklaruar se Kosova i ka përmbushur të gjitha kriteret e kërkuara për liberalizimin e vizave dhe është e padrejtë që qytetarët të mbeten të izoluar, vetëm për shkak të mos miratimit të marrëveshjes së demarkacionit me Malin e Zi. Kryekuvendari i Hungarisë Laszlo Kover i ka ofruar mbështetje për të mbështetur heqjen e vizave për qytetarët e Kosovës, ndërsa u zotua se do të kërkojë përkrahje për liberalizim të vizave edhe nga vendet tjera evropiane. Hungaria është e gatshme ta ndihmojë Republikën e Kosovës në rrugën e integrimeve evropiane dhe në aspektin e thellimit të bashkëpunimit ndërparlamentar, me qëllim të fuqizimit të bashkëpunimit më të madh bileteral mes vendeve”, thuhet mes tjerash në një komunikata zyrtare e Kuvendit të Kosovës.
