Thaci

Kryetari Thaçi dhe kryeministri Mustafa shprehen në superlativ për vizitën e nënpresidentit amerikan, Joe Biden

Kryetari, Hashim Thaçi dhe kryeministri, Isa Mustafa shpreheh në superlativ për vizitën e nënpresidentit të Shteteve të Bashkuara të Amerikës, Joe Biden. Ata kanë vlerësuar se kjo është vizitë historike për Kosovën. Kjo vizitë e mikut të Kosovës shënon një moment të ri dhe historik për Kosovën. Tash e 26 vite, Zëvendës-Presidenti Biden është i përkushtuar për paqen dhe stabilitetin në rajonin tonë. Populli i Kosovës është krenar me mikun i cili që nga fillimi i viteve nëntëdhjetë ishte shpresa dhe zëri i fuqishëm për lirinë dhe pavarësinë e Kosovës në Uashington. Miqësia e Kosovës me SHBA-në është e përjetshme, ka shkruar në mes tjerash në adresën e tij elektronike, kryetari Hashim Thaçi. Edhe kryeministri, Isa Mustafa, në adresën e tij elektronike, ka shkruar se vizita e njeriut të dytë të demokracisë botërore është një ngjarje e madhe dhe e veçantë për Kosovën. Aleanca Veri-atlantike e udhëhequr nga SHBA e shpëtoi Kosovën nga eksodi, shfarosja dhe zhbërja. Shtetet e Bashkuara të Amerikës ishin aleati ynë kryesor në shpalljen e pavarësisë dhe në ndërtimin e institucioneve demokratike, ka shkruar në mes tjerash kryeministri, Isa Mustafa.

Kontrolloni gjithashtu

Raportuesja për Shqipërinë në Parlamentin Europian, Isabel Santos, tha se i vjen keq nga deklaratat e Greqisë, për Fredi Belerin

Raportuesja për Shqipërinë në Parlamentin Europian, Isabel Santos, tha se i vjen keq nga deklaratat e Greqisë, për Fredi Belerin

Raportuesja për Shqipërinë në Parlamentin Europian, Isabel Santos, tha se i vjen keq  nga deklaratat e …