Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
17-vjet pas mbarimit të luftës çlirimtare e fitimtare dhe 8 vjet pas shpalljes së Pavarësisë së vendit, Kryetari i Kosovës, Hashim Thaçi, duke folur për agjencinë austriake “APA”, iu ka bërë thirrje politikanëve dhe shokëve të tij të luftës që të dorëzohen në Gjykatën Speciale, por nuk ka dhënë shpjegime se a do të dorëzohet edhe vetë, tani që është në postin e të parit të Shtetit. Agjencia austriake “APA”, sipas “Tanjugut” të Serbisë, bën të ditur se kryetari Thaçi, në të njëjtën kohë, i ka ikur përgjigjes në pyetjen se çfarë do të bënte në rast se padia do të ngrihej edhe kundër tij. Por ai ka folur me bindje se Gjykata është themeluar nga institucionet e Kosovës, me vullnetin e deputetëve të Kuvendit. Ai edhe kësaj radhe ka sqaruar se derisa ishte në postin e kryeministrit kishte kontribuar në krijimin e kësaj gjykate. Liridashësit e vendit e dinë mirë edhe reagimin e Hashim Thaçit, kur Dik Marti e kishte apostrofuar si të akuzuarin e parë, për krime lufte.
