KSHF “Agim Deva” – Takoi nxënësit e SHFMU-ve në Lladrovc dhe Astrazup

16/05/2019 Institucionet

Karvani  i Shkrimtarëve për  Fëmijë “ Agim Deva” në vitin jubilar të njëzetin (20)  me  radhë, mbajtën takime letrare me nxënësit e shkollave fillore  “Afrim Buçaj“ në Lladrovc dhe “Ganimete Tërbeshi” në Astrazup të  Komunës së Malishevës, ku edhe dhuruan libra për bibliotekat shkollore, kësaj veprimtarie iu bashkuan edhe Shtëpia Botuese “ Lena Grafik” , me pronare Hajdar Fejzullahun, si dhe SHKL “ Tafil Kelmendi” me poetin Mehdi Krasniqin. Karvani aktivitetin letrar e ka filluar  në Ditën e Mësuesit, më 7 mars, që përkon edhe  me  Ditën e Shkollës Kombëtare- Shqipe të Korçës. Koordinatori i  Karvanit të  Shkrimtarëve për Fëmijë, Xhevat Syla, drejtuar nxënësve, mësimdhënësve, ndër të tjera tha “ Sot e njëzet vjet më parë  i priu Karvanit të Shkrimtarëve për Fëmijë, poeti më i dashur për fëmijët Agim Deva, ne, sot edhe pas njëzet vjetësh po e  vazhdojmë porosinë e Agimit që të dhurojmë libra dhe të lexojmë bashkë me fëmijët për fëmijët poezi për atdheun, shkollën, dëshmorët, prindërit, për lirinë, librin, gjyshen e gjyshin” përfundoi Syla. Në pjesën e dytë poezitë i lexuan nxënësit e shkollave dhe shkrimtarët për fëmijë si: Ramadan Mehmeti, Ibrahim Kadriu, Avdi Shala, Skënder Zogaj, Xhevat Syla,  Drita Syla etj. Karvani i Shkrimtarëve për Fëmijë do të vazhdojë aktivitetin letrar   edhe në disa SHFMU të Malishevës, javët  në vijim.

Kontrolloni gjithashtu

Organizohen aktivitete përkujtimore në shënim të përvjetorit të masakrës së Izbicës

Komuna e Skenderajt me 27 dhe 28 mars 2026 organizon aktivitete përkujtimore në shënim të …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara