Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
32-vjetorin e rënies heroike të Rexhep Malës dhe Nuhi Berishës, e kanë shënuar edhe disa gazeta e portale, gazetarët e drejtuesit e të cilave, në kohën kur kishin rënë dëshmorët, i kishin etiketuar, “terroristë e nacionalistë shqiptarë”. Natyrisht se botuesit lajmin për rënien e dëshmorëve e kanë kopjuar dhe nuk ia kanë nënshtruar redaktimit, për qëllime që dihen. Por është shumë e pamoralshme që titistët, ranokiviqistët, bijtë e bijat e tyre që kishin vrarë, masakruar e persekutuar qindra shqiptarë liridashës, që më vonë përkrahen të gjitha regjimet jugosllave, që ndajnë mjete të buxhetit të Kosovës për ta përbuzur dhe ironizuar UÇK-në, që janë dëshmitarë të mbrojtur të Dik Martit, që botojnë dhe përurojnë veprat e tyre në Beograd, që vizitojnë varrin i Titos të paktën njëherë në vit, është fyese e poshtëruese që të tillët të përkujtojnë rënien e Rexhep Malës dhe Nuhi Berishës dhe shumë të rënëve të tjerë.
Në kohën kur janë rrethuar dhe janë likuiduar, Rexhep Mala e Nuhi Berisha 32 vjet më parë, nga Milicia e Kosovë Metohisë, Isa Mustafa për katër vjet rresht (1984-1988) ishte kryetar i Këshillit Ekzekutiv të Prishtinës dhe i vendbanimeve Fushë-Kosovë, Kastriot dhe Artanë. Shefqet Jashari – kryetar i Kryesisë së KSA të Kosovës. Ymer Pula – kryetar i KE të KSA të Kosovës, Kolë Shiroka – kryetar i Kryesisë së KSA të Kosovës dhe Kryetar i KK të KSA të Kosovës për një kohë të caktuar, Mehmet Maliq-Cikuli, sekretar i Punëve të Brendshme, Vesel Latifi kryetar i jurisprudencës, Nazmi Mustafa – kryetar i KE të KSA të Kosovës, pastaj, në poste të caktëauar kanë sunduar: Jusuf Zejnullahu, Jusuf Karakushi, Bajram Selani Remzi Kolgeci Azem Vllasi Rrahman Morina e të tjerë.
Në vëzhgim e zbulim të vendit ku ishin strehuar heronjtë, përmes spiunëve të tyre kanë marrë pjesë: Bashkim Kursani, Ibush Kllokoqi, Lutfi Ajazi, Jusuf Karakushi, e të tjerë.
Vrasësit-kriminelë nuk kanë të drejtë të përkujtojnë viktimat, derisa botërisht nuk kanë kërkuar falje për krimet kundër popullit.
