Kuvendi Komunal i Rahovecit mbajti mbledhjen e gjashtë të rregullt

29/06/2020 Institucionet

Kuvendi Komunal i Rahovecit ka mbajtur seancën e gjashtë me radhë e cila u hap nga kryesuesi i Kuvendit, Afrim Dina. Në mbledhje kanë marrë pjesë kryetari i komunës së Rahovecit Smajl Latifi, nënkryetari, Fatmir Iska, drejtor të drejtorive komunale si dhe anëtarët e asamblesë komunale. Kryetari Latifi, në hapjen e mbledhjes së gjashtë të Kuvendit Komunal, ka shprehur  indinjatën rreth aktakuzës së ngritur nga Zyra e Prokurorisë së Specializuar në Hagë, për Hashim Thaçin dhe Kadri Veseli, ku tha se Populli shqiptar i Kosovës ka përjetuar përndjekje e masakra për më shumë se një shekull nga shteti serb. Përkundër kësaj ia ka dalë të mbijetojë e ta ruajë identitetin dhe të qëndrojë në trojet e veta stërgjyshore. Lufta e fundit (1998-99) ishte edhe një dëshmi për botën e civilizuar për egërsinë e shtetit të Serbisë. Zaten, dhuna sistematike dhe represioni i patolerueshëm shtetëror, bënë që shtetet e civilizuara perëndimore të ndërhyjnë edhe ushtarakisht për ta ndalur shpopullimin e Kosovës nga shqiptarët. Bota u bind për monstruozitetin e regjimit serb kur hasi nëpër varreza masive, krematoriume, shkatërrime të pronave të shqiptarëve, dëme të mëdha materiale dhe jetë të rrënuara. Ndonëse hetuesit ndërkombëtarë i kanë parë dhe identifikuar të gjitha këto, asnjë masë ndëshkuese nuk është ndërmarrë kundër atyre që urdhëruan dhe i bënë këto krime. Drejtësia selektive dhe e vonuar nuk është drejtësi. Populli i Kosovës ka përjetuar në lëkurë të vetë dhunën, represionin dhe gjenocidin serb. Mbi 400 masakra, mijëra shqiptarë të vrarë e të djegur, të zhdukur, femra të dhunuara, shkatërrime kudo, të gjitha me plane dhe veprime të organizuara për të realizuar shfarosjen e shqiptarëve, dëbimin me dhunë dhe përzënien e tyre, pa i kursyer sulmet e goditjet edhe ndaj tempujve fetarë e udhëheqësve të tyre, tha ndër të tjera Kryetari Latifi.

Shqyrtimi dhe aprovimi i Procesverbalit nga mbledhja e kaluar, pyetjet dhe përgjigjet në pyetjet e kuvendarëve, shqyrtimi dhe aprovimi i Kornizës Afatmesme Buxhetore (KAB) 2021-2023, Shqyrtimi dhe aprovimi i Draft-rregullores për taksa komunale, Shqyrtimi dhe aprovimi i Propozim vendimit të kryetarit të Komunës për faljen e borxhit për taksë komunale ishin pika të rendit të ditës së mbledhjes së sotme të kuvendit të cilat edhe u aprovuan. Elaborimin  e Kornizës afatmesme Buxhetore (KAB) për periudhën 2021-2023, e bëri drejtori i Drejtorisë për Buxhet dhe Financa, Afrim Limani.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara