Kuvendi me konsensus rreth nismës së kryetarit Kadri Veseli për themelimin e tribunalit mbi gjenocidin serb në Kosovë

Kuvendi me konsensus rreth nismës së kryetarit Kadri Veseli për themelimin e tribunalit mbi gjenocidin serb në Kosovë

Kuvendi i Kosovës ka arritur konsensus rreth nismës së kryetarit Kadri Veseli për themelimin e tribunalit për gjenocidin serb në Kosovë. Të gjitha grupet parlamentare janë pajtuar që të mblidhen së bashku, në një komision ad-hoc, për të harmonizuar qëndrimet që më pas të votohet bashkërisht nisma për themelimin e tribunalit. Grupet parlamentare do të harmonizojnë qëndrimet edhe rreth Ditës së Gjenocidit, ndërtimit të Muzeut të Gjenocidit, dhe Muzeut të Debimit. Kryetari, Kadri Veseli ka thënë se është i lumtur që Kuvendi i Republikës së Kosovës i dha drejtimin e duhur iniciativës për ngritjen e tribunalit ndërkombëtar për gjenocidin serb në Kosovë. “Duke votuar një komision konsensual që do të merret me këtë nismë dhe me rekomandimet tjera për Muzeun e Gjenocidit, Muzeun e Dëbimit dhe shpalljen e Ditës së Gjenocidit. Falënderoj të gjithë deputetët. Ky tribunal është i domosdoshëm, i pashmangshëm dhe ai do të ndodhë”, ka thënë Veseli.

Kontrolloni gjithashtu

Lajçak

Miroslav Lajçak: Gjashtë vendet e Ballkanit Perëndimor janë në procese të ndryshme të pranimit në BE

Emisari i BE-së për dialogun Kosovë-Serbi, Miroslav Lajçak, ka marrë pjesë aktive në Konferencën e …