Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministri i Kosovës dhe bashkëkryesuesi i Delegacionit Shtetëror për Bisedime me Serbinë, Fatmir Limaj ka thënë se me miratimin e Platformës për Dialog me Serbinë, Kosova demonstroi seriozitet dhe gatishmëri për dialog dhe arritjen e një marrëveshjeje që do t’i mbyllte çështjet e hapura midis dy vendeve, duke u dhënë mundësi dy vendeve për të realizuar interesat strategjike të integrimit. Ai, ka thënë se Serbia duhet ta njohë realitetin e problemit dhe të kuptoj se zgjidhja e vetme e pranueshme është njohja reciproke. Limaj thotë se është në interesin e Serbisë që ta njohë Kosovën. Sa i përket taksës ai ka thënë se Serbia nuk mund ta ketë në dispozicion tregun e Kosovës për sa kohë që nga mengjesi deri në mbrëmje përpiqet që ta cmontojë vendin tonë. Numri dy i Qeverisë së Kosovës, ka folur edhe për krijimin e një gjykatë të vecantë për t’i hetuar krimet e Serbisë të kryera në Kosovë. Kjo gjykatë, sipas tij, është e nevojshme pasi Serbia dhe kryetari serb Vuciq mohojnë masakrat në Kosovë siç është rasti i masakrës së Reçakut.
