Zyrtari i lartë i Beogradit, Marko Gjuriq, ka deklaruar se të hënën në Bruksel do të rifillojnë bisedimet midis Serbisë dhe Kosovës, për Asociacionin e komunave me shumicë serbe dhe telekomunikacionin. Gjuriq ka folur edhe për hapjen e urës mbi lumin Ibër, e cila, sipas tij po hapet për shkak të punimeve dhe gjatë të gjithë kohës KFOR-i do të jetë i vendosur për patrullim në pjesën e Mitrovicës veriore. Ai ka theksuar se Serbia është duke zbatuar të gjitha marrëveshjet, për të cilat është rënë dakord në Bruksel. Ndërsa, duke komentuar vizitën e zëvendëspresidentit amerikan, Joe Biden, në Serbi, ai ka thënë se kryeministri Aleksandar Vuçiq është takuar me Bidenin tri herë tashmë. “Ne duam të ndërtojmë një marrëdhënie sa më të mirë të mundshme me Shtetet e Bashkuara dhe kjo është diçka në interes të popullit tonë”, ka thënë Gjuriq.
Kontrolloni gjithashtu
Në raportin vjetor të organizatës “Freedom House” janë përmendur rastet e Shemsi Hazitit, Nagip Krasniqit dhe Martin Berishajt
Në raportin vjetor për vitin e kaluar 2023 të organizatës ndërkombëtare “Freedom House” është përmendur …