Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Kumanovës, Maksim Dimitrievski e ka cilësuar si të papranueshme ironinë e kryeministrit të Shqipërisë, Edi Rama për bllokadën e Bullgarisë ndaj Maqedonisë se Veriut në proceset euro-integruese. Shakaja e Ramës është e papranueshme, ai duhet t’i kërkojë falje Kryeministrit dhe mbarë opinionit maqedonas. Heshtja është më shumë se një turp! Kështu mendoni ta ndërtoni ju Ballkanin e Hapur?”, ka shkruar Dimitrievski në një postim të tij. Edi Rama i njohur për batutat e tij me vend e pa vend e prezantoi kryeministrin e Maqedonisë, Dimitar Kovacevski me kancelarin gjerman Olaf Scholz si kryeministër i “Bullgarisë së ardhshme perëndimore”. Ndërsa kryeministri grek ishte duke prezantuar kancelarin gjerman me liderët e vendeve të Ballkanit Perëndimor, Rama ndërhyn një moment dhe tregon me gisht nga kryeministri maqedonas duke thënë se “ai është kryeministri i Bullgarisë së ardhshme perëndimore”.
