Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sipas të dhënave të hulumtuara e të prezantuara nga gazetarja Marija Arnautovic, tetë persona të dënuar për krime lufte dhe të dënuar deri në një vit në Bosnje dhe Hercegovinë, në pesë vitet e fundit kanë shkëmbyer dënime me gjoba, të cilat janë raste që i frustojnë viktimat dhe familjet e tyre. . Tri vendime për zëvendësimin e dënimit me burgim me gjobë janë marrë në Gjykatën e Bosnjë-Hercegovinës, dy para gjykatave kantonale në Zenicë dhe Bihaq dhe një para Gjykatës Themelore në Qarkun e Brçkos. Tetë të dënuar për krime lufte e blenë lirinë e tyre për pak më pak se 150 mijë euro, ose 50 euro në ditë. Gjyqtarja e Gjykatës së Bosnjës dhe Hercegovinës Minka Kreho kundërshton blerjen e dënimeve me burg me para. Ajo thotë se kjo nuk duhet të lejohet veçanërisht në aktgjykimet që kanë të bëjnë me krimet e luftës, por ligjvënësit ua kanë vendosur norma të tilla gjyqtarëve në Bosnje dhe Hercegovinë, pa u dhënë atyre mundësinë për të zgjedhur. Praktika e blerjes së dënimit me burg është gjithashtu e papranueshme për Prokurorinë e Bosnjë-Hercegovinës. Zëdhënësi Boris Grubeshiq tha se Prokuroria e Bosnjë dhe Hercegovinës mbron një politikë më të rreptë kriminale, veçanërisht në rastet e krimeve të luftës, krimit të organizuar dhe korrupsionit. (Al-Xhazira)
