Marsi, mbyllet edhe me një sukses të nxënësve malishevas

01/04/2016 Institucionet

Nxënësit e Komunës së Malishevës, gjatë muajit mars, kanë korrur suksese në garat e diturisë. Gjatë fundjavës së kaluar, janë mbajtur garat e diturisë në lëndën e Kimisë, ku nxënësi Erjon Morina, nga Shkolla Fillore dhe e Mesme e Ulët, “Kajtaz Ramadani” në Kijevë, ka zënë vendin e parë në nivel republike.

Këtë sukses, të nxënësit Morina, e ka konfirmuar Drejtoria për Arsim dhe Edukim, në Komunën e Malishevës, përkatësisht drejtori Avdi Morina, i cili edhe e ka uruar nxënësin për këtë rezultat të treguar në garat e diturisë.

“Qëllim i yni është rritja e cilësisë në mësimdhënie dhe mësimnxënie dhe për këtë jemi duke punuar maksimalisht si drejtori. Këtë angazhim, më së miri po e prezantojnë nxënësit tanë me rezultat që janë duke treguar, dhe unë me këtë rast, e uroj nxënësin Erjon Morina, për këtë sukses”, tha Morina.

Garat në lëndën e Kimisë, janë mbajtur në kolegjin “Mehmet Akif”, ndërsa këto gara janë tradicionale dhe organizohen në bashkëpunim me MASHTK.

Kontrolloni gjithashtu

Kryetari Haliti reagon ashpër ndaj ndaljeve të shpeshta të energjisë elektrike dhe furnizimit jo stabil

Pas pranimit të shqetësimeve të shumta nga qytetarët rreth furnizimit jo të rregullt me energji …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara