Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga sot, mbi 5000 ushtarakë, nuk kanë më detyrime ndaj Institutit të Sigurimeve Shoqërore dhe, përpos pensionit që do ta marrin të plotë, brenda një viti do të marrin mbrapsht hakun e borxheve të padrejta. Dje, 75 deputetë të parlamentit votuan pro projektligjit të Ministrisë së Mirëqenies Sociale, duke lënë prapa një histori të gjatë padrejtësie për këtë grupim. Me ligjin e ri, nga falja do të përfitojnë edhe ata ish-ushtarakë, të cilëve iu është rillogaritur pensioni. Në total, janë 6738 ushtarakë të prekur nga Akti Normativ i vitit 2010, prej të cilëve 5425 janë “ndëshkuar”, duke u detyruar t’i kthejnë shtetit 20-25 për qind të pensionit mujor që përfitonin. Nga foltorja e Parlamentit, ministri Blendi Klosi bëri një përmbledhje të historisë së kësaj kategorie, që nga viti 2010 e deri më sot, duke treguar edhe arsyet pse 4 ligjet e hartuara për ushtarakët nuk dhanë zgjidhje efektive në llogaritjen e pensioneve. (Shekulli)
