Brickos

Mblidhet ekzekutivi komunal në Ferizaj, diskutohet për gjendjen pas vërshimeve në territorin e Ferizajt

07/05/2018 Institucionet

Paraditen e sotme, Kryetari i Komunës së Ferizajt, Agim Aliu ka mbajtur takim me drejtorët e drejtorive komunale me ç ‘rast temë e diskutimeve ishte gjendja e përgjithshme në territorin e Ferizajt, pas stuhisë dhe reshjeve të dendura të shiut e breshëritë që ka përfshirë ditëve të fundit komunën tonë. Në këtë takim, Kryetari i Ferizajt, Agim Aliu njoftoi për punën e task-forcës së krijuar për këtë situatë dhe paraqiti një pasqyrë të detajuar të gjendjes në zonat e përmbytura, intervenimet e ekipeve emergjente të autoriteteve komunale në hapjen e kanaleve kulluese, vizitat që ka zhvilluar në objekte private banimi, biznese dhe rrugë e lagje të qytetit e fshatrave. Në anën tjetër, edhe drejtori i shërbimeve publike Arben Halili, njoftoi në detaje për operacionet e terrenit që kanë zhvilluar dhe po zhvillojnë kompanitë publike në hapjen e kanaleve dhe ndihmën që po i ofrojnë banorëve të zonave të përmbytura në tejkalimin e kësaj situate. Në bazë të vizitave në terren të Kryetarit të Ferizajt, Agim Aliu bazuar në një vlerësim preliminar evidentohen dëme të mëdha sidomos në kultura bujqësore, pa përjashtuar edhe dëme të konsiderueshme në amvisëri, vegla pune në punishte dhe infrastrukturë tjetër përcjellëse rrugore. Përkitazi me këtë gjendje, Kryetari i Komunës, Agim Aliu mori vendim që të themelohen dy komisione komunale për vlerësimin e dëmeve të shkaktuara, njëri komision i fushës së bujqësisë dhe tjetri i shërbimeve publike për të evidentuar saktësisht dëmet në këto fusha. Këto komisione në afat optimal, pas vizitave që do të realizojnë në terren dhe pranimin e ankesave nga qytetarët do të përpilojnë një raport detal mbi gjendjen e përgjithshme, gjegjësisht dëmet e shkaktuara nga stuhia e ditëve të fundit në territorin e Komunës së Ferizajt. Komuna e Ferizajt, njofton qytetarët se vlerësuar nga vizitat në terren dhe raportimet e banorëve, gjendja është stabile, vazhdimisht po përditësohen informacionet lidhur me dëmet e shkaktuara dhe ekipet e reagimit në raste emergjente janë vazhdimisht në terren për sanimin e gjendjes së shkaktuar në territorin e Ferizajt. Kryetari i Ferizajt, Agim Aliu falënderon të gjithë të angazhuarit në menaxhimin e kësaj situate, veçanërisht punëtorët e kompanive publike që pa ndërprerë po zhvillojnë aktivitetin e tyre në sanimin e gjendjes, pas vërshimeve të ditëve të fundit në komunën tonë.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara