Brickos

McAllister thotë se pavarësisht ndryshimeve në strukturat e PE-së fokusi do të jetë në zgjerimin e Bashkimit Evropian

McAllister thotë se pavarësisht ndryshimeve në strukturat e PE-së fokusi do të jetë në zgjerimin e Bashkimit Evropian

Raportuesi aktual për Serbinë i cili u rizgjodh kryetar i Komitetit të Politikës së Jashtme të Parlamentit Evropian, David McAllister ka folur për dialogun Kosovë – Serbi. McAllister deklaroi se pavarësisht ndryshimeve në strukturat e Parlamentit Evropian, partitë udhëheqëse të konservatorëve dhe socialdemokratëve do të fokusohen në zgjerimin e BE-së. “Dy grupe të mëdha, Partia Popullore Evropiane dhe ajo e socialistëve dhe demokratëve do të kenë qasje të ngjashme ndaj zgjerimit, e kjo politikë bazohet në plotësimin e kushteve”, ka deklaruar McAllister. Ai ka bërë të ditur se varet nga vendet të cilat duan të jenë pjesë e BE-së nëse vërtetë do bëhen pjesë e saj. Ai foli edhe për rolin e ndërmjetësuesve të dialogut në mes Kosovës dhe Serbisë, duke thënë se janë të interesuar që të dy vendet të arrijnë një marrëveshje ligjërisht të detyrueshme, e që sipas tij për këtë po punohet shumë. Tutje ai theksoi se emërimet për raportuesit e rinj të Parlamentit Evropian për të gjitha vendet në Ballkanin Perëndimor do të finalizohen në shtator të këtij viti.

Kontrolloni gjithashtu

Kryetari i Nismës Socialdemokrate, Fatmir Limaj kërkon zgjedhje të rregullta në Kosovë dhe kritikon qeverisjen e Kurtit

Kryetari i Nismës Socialdemokrate, Fatmir Limaj, duke folur lidhur  me situatën politike në Kosovë, ka …