leoni

Më 30 prill 2021 përkujtohet komandanti, Ilaz Kodra, vëllezërit Adem e Xhafer Gashi, dhe të gjithë rënët në Verboc të Drenasit

Më 30 prill 2021 përkujtohet komandanti, Ilaz Kodra, vëllezërit Adem e Xhafer Gashi, dhe të gjithë rënët në Verboc të Drenasit

28/04/2021 Njoftime

Me rastin e 22 vjetorit të rënies së vëllezërve tanë Adem dhe Xhafer Gashi

Përkujtojmë me pietet të gjithë të rënët me 30 prill të vitit 1999 nga Verboci të Drenasit, në veçanti vëllezërit tanë Adem e Xhafer Gashi, si dhe të gjithë të rënët tjerë; vëllezërve dhe motrave tanë, që u ekzekutuan nga pushtuesi gjakatar Serb në mënyrën më barbare tek vendi i quajtur «Shavarina » të Feronikeli i Drenasit.

Si të gjithë të ekzekutuarit tjerë të asaj llahtarie, edhe vëllezërit tanë u vranë vetëm pse ishin shqiptarë, vetëm pse e donin atdheun tonë të lirë, pse lindën e rritën fëmijë shqiptarë. Ademi ishte mërgimtar i hershëm, Xhaferi ishte punëtor arsimi që ngriti gjenerata të tëra për t’i dalë zot atdheut.

Jetojmë me kujtimin për ta.

Mujë dhe Xhevrie Gashi, si dhe familja e gjerë Gashi nga Verboci i Drenasit.

Muhamet Gashi- Muja

Kontrolloni gjithashtu

Shoqata “Kosova për Sanxhakun” e njofton opinionin publik dhe institucionet relevante për një rast të ndjeshëm kulturor dhe kombëtar që ilustron gjendjen e shqiptarëve autoktonë në Sanxhakun e Pazarit të Ri. Rrafshnalta e Peshterit, një trevë e rëndësishme në Sanxhak, me mbi 95 për qind të popullsisë myslimane me prejardhje shqiptare, u okupua nga Serbia dhe Mali i Zi në vitin 1912. Në më shumë se 200 vendbanime të kësaj zone, edhe sot në disa fshatra dëgjohet gjuha shqipe, e cila ka mbijetuar, pavarësisht mohimit të identitetit kombëtar dhe të drejtës për vetëdeklarim. Një rast i tillë është ky i fshatit Ugëll (Ugao), në kufi me Malin e Zi, ku banorët na kanë dërguar fotografi të të dy epitafeve të shkruara në gjuhën shqipe për Fatë Aliçkaj (1910–1966), e lindur në Jezgroviq të komunës së Tutinit dhe e vendosur në Ugëll. Epitafet janë përgatitur për të shënuar varrin e saj në varrezat e fshatit Ugëll, por për arsye ende të paqarta nuk janë vendosur kurrë. Dyshohet se për shkak të tekstit të epitafit në gjuhën shqipe, familjarët nuk kanë pasur guximin t’i vendosin ato. Kjo po ndodh pavarësisht faktit se në kohën e vdekjes së saj, gjuha shqipe flitej nga të gjithë banorët e zonës. Në emër të Kryesisë së Shoqatës “Kosova për Sanxhakun”, i drejtohemi Ministrisë për Evropë e Punë të Jashtme të Republikës së Shqipërisë, respektivisht Ambasadës së Republikës së Shqiptare në Beograd, që ta vizitojnë këtë fshat dhe të njihen nga afër me gjendjen e të drejtave të shqiptarëve në Sanxhak. Shoqata jonë ka nënshkruar Memorandum Bashkëpunimi me Këshillin Kombëtar Boshnjak (BNV), përmes së cilës ka status participues e konsultativ në këtë institucion dhe vepron në Sanxhak. Rasti i epitafeve është vetëm një nga qindra shembuj të diskriminimit që pengon zhvillimin e jetës normale në këtë krahinë të banuar me shqiptarë autoktonë. Ismet Azizi Kryetar i Shoqatës “Kosova për Sanxhakun”

“Kosova për Sanxhakun”: Rasti i epitafit në gjuhën shqipe në fshatin Ugëll të Peshterit në Sanxhak

Shoqata “Kosova për Sanxhakun” e njofton opinionin publik dhe institucionet relevante për një rast të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara